Լրագրող

«Ինլայթ» հանրային հետազոտությունների կենտրոնին անհրաժեշտ են երիտասարդ լրագրողներ, ով պատասխանատու կլինի կազմակերպության միջոցառումների վերաբերյալ նյութերի, պաշտոնական կայքէջում և սոցիալական ցանցերում տեղադրվող նորությունների, ընթացիկ գործունեությամբ պայմանավորված տեղեկույթի պատրաստման համար: 

Աշխատանքը կատարվում է բացառապես կամավորական հիմունքներով: 

Գործառույթները

  • Կազմակերպության ընթացիկ գործունեության լուսաբանում և ներկայացում
  • Կազմակերպության կողմից իրականացվող միջոցառումների, ծրագրերի լուսաբանում
  • Կազմակերպության գործունեությամբ պայմանավորված հարցազրույցների կազմակերպում և վարում 
  • Կազմակերպության աշխատանքներում ակտիվ մասնակցություն

Պահանջվող որակավորումները

  • հայերեն գրավոր և բանավոր խոսքի գերազանց իմացություն
  • ռուսերեն, անգլերեն կամ այլ օտար լեզուների իմացությունը ցանկալի է
  • Word, Google Docs ծրագրի իմացություն
  • պարտաճանաչություն և պատասխանատվության բարձր զգացում
  • անհատական և թիմային արդյունավետ աշխատանքի ունակություն
  • ստեղծարարություն և համարձակություն
  • նվիրվածություն

Ձեր ակնկալիքները «Ինլայթ»-ից

Հրապարակայնություն։  Պատրաստված նյութերը հրապարակվում են կազմակերպության կայքէջում, որտեղ նշվում է լրագրողի անուն ազգանունը: Բոլոր նյութերը տարածվում են կազմակերպության սոցիալական էջերի միջոցով. դրանցում ևս նշվում է լրագրողի անուն ազգանունը։ Դուք մասնացկում եք կազմակերպության բոլոր միջոցառումներին և նախագծերին, որոնցում Ձեր գործառույթներն իրականացնելիս, հնարավորություն ունեք ծանոթանալ և շփվել ոլորտի մասնագետների հետ:

Ճկունություն։ Աշխատանքն իրականացվում է գլախավորապես հեռահար հաղորդակցության եղանակով և ազատ գրաֆիկով։ Աշխատանքի ընթացքում անհրաժեշտության դեպքում կստանաք  խորհրդատվություն և աջակցություն բաժնի ղեկավարի  և կազմակերպության մյուս անդամների կողմից:

Անհատական և մասնագիտական աճ։ Որպես մեր կազմակերպության կամավոր՝ Դուք կդառնաք «Ինլայթ»-ի մշտապես աճող, դինամիկ և գործուն թիմի անդամ։ Ձեռք կբերեք ինչպես նոր ընկերներ և ծանոթություններ, այնպես էլ՝ անգնահատելի փորձ, ինչը մեծապես կնպաստի Ձեր մասնագիտական աճին:

Կամավորության վկայական։ Դառնալով մեր թիմի անդամ՝ Դուք կազմակերպության հետ կնքում եք կամավորական աշխատանքի պայմանագիր նվազագույնը 1 տարի ժամկետով: Ժամկետի լրանալուց հետո ստանում եք վկայական: Կազմակերպությունը պատրաստակամ է նաև նվազագույնը 6 ամսվա արդյունավետ աշխատանք ցուցաբերած կամավորի անունով տրամադրել երաշխավորագիր՝ վերջինիս ապագա գործատուին, գործընկերներին, ուսումնական հաստատությանը և այլն։

«Ինլայթ» հանրային հետազոտությունների կենտրոնի Հանրային կապերի և մարկետինգի  բաժնին որպես լրագրող անդամակցելու համար անհրաժեշտ է լրացնել հետևյալ հայտադիմումը: Առավելագույնը մեկ շաբաթվա ընթացքում մենք քեզ հետ կապ կհաստատենք նշված էլեկտրոնային հասցեի միջոցով:

LEAVE A REPLY

Please enter your comment!
Please enter your name here