«Ինլայթ» հանրային հետազոտությունների կենտրոնին անհրաժեշտ է մեդիա մոնիթորինգի մասնագետ, ով աչքի է ընկնում Հայաստանում և աշխարհում տեղի ունեցող իրադարձությունների նկատմամբ հետաքրքրասիրությամբ և ցանկանում է իր այդ որակն օգտագործել նաև աշխատանքում։
Աշխատանքը կատարվում է կամավորական հիմունքներով:
Գործառույթները
- Արդյունավետ կերպով աշխատել և համագործակցել կազմակերպության վերլուծաբանների հետ,
- Իրականացնել լրատվական դաշտի ուսումնասիրություն և շարունակական մշտադիտարկում, հանդես գալ վերլուծությամբ,
- Պարբերաբար ուսումնասիրել և ներկայացնել «Ինլայթ» հանրային հետազոտությունների կենտրոնի գործունեությունը լուսաբանող լրատվությունը և այլ տեղեկատվություններ,
- Կատարել աշխատակազմի ղեկավարի այլ հանձնարարությունները՝ մոնիթորինգի թիմի իրավասությունների շրջանակում,
- Կազմել և մշակել հաշվետվություններ և ամփոփիչ զեկույցներ:
Պահանջվող որակները
- Հայերենի գերազանց իմացություն, անգլերենի և ռուսերենի լավ իմացություն,
- Համակարգչային հմտությունների տիրապետում,
- ժամանակի պլանավորում և վերջնաժամկետների պահպանում,
- Տվյալների վերլուծության և տեղեկատվության հետ աշխատելու ունակություն,
- Մանրուքների նկատմամբ ուշադրություն,
- Անհատական և թիմային աշխատանքի կարողություն,
- Ստեղծագործական ջիղ և նախաձեռնողականություն,
- Պատասխանատվության բարձր զգացում։
«Ինլայթ»-ից Ձեր ակնկալիքները
Ճկունություն: Աշխատանքը կազմակերպվում է հեռահար կերպով, չի ենթադրում գրասենյակային աշխատանքային գրաֆիկ: Դուք կարող եք Ձեր աշխատաժամանակը բաշխել` հարմարեցնելով առօրյա գրաֆիկին:
Անհատական և մասնագիտական աճ։ Որպես մեր կազմակերպության անդամ՝ Դուք կդառնաք «Ինլայթ»-ի մշտապես աճող, դինամիկ և գործուն թիմի անդամ, ձեռք կբերեք նոր ընկերներ և ծանոթություններ, ինչպես նաև մասնագիտական փորձ և պրակտիկ գիտելիքներ մեդիա մոնիթորինգի ոլորտում։
Կամավորության վկայական։ Դառնալով մեր թիմի անդամ՝ Դուք կազմակերպության հետ կնքում եք կամավորական աշխատանքի պայմանագիր նվազագույնը 1 տարի ժամկետով: Ժամկետի լրանալուց հետո ստանում եք վկայական: Կազմակերպությունը պատրաստակամ է նաև նվազագույնը 3 ամիս արդյունավետ աշխատանք ցուցաբերելու դեպքում Ձեզ տրամադրելու երաշխավորագիր՝ ապագա գործատուին, գործընկերներին, ուսումնական հաստատություն և այլ վայրեր ներկայացնելու համար։
«Ինլայթ» հանրային հետազոտությունների կենտրոնի Աշխատակազմին որպես մեդիա մոնիթորինգի մասնագետ անդամակցելու համար անհրաժեշտ է լրացնել հետևյալ հայտադիմումը: Առավելագույնը մեկ շաբաթվա ընթացքում մենք Ձեզ հետ կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների spam բաժինը՝ հնարավոր բացթողումներից խուսափելու համար։