Դիզայներ

«Ինլայթ» հանրային հետազոտությունների կենտրոնը փնտրում է ստեղծագործ մտքով և խանդավառ դիզայների, ով կօգնի կազմակերպության կայքէջի և սոցիալական ցանցերի դիզայնին առնչվող, ինչպես նաև տպագիր և էլեկտրոնային գրաֆիկական նյութերի ձևավորման աշխատանքներում: Աշխատանքը հարմար է հատկապես դիզայնի և արվեստի գծով սովորող ուսանողների, սկսնակ դիզայներների և առհասարակ այն տաղանդավոր անձանց համար, ովքեր սիրում են և կարողանում են իրականություն դարձնել իրենց դիզայներական գաղափարները:

Աշխատանքը կատարվում է բացառապես կամավորական հիմունքներով: 

Գործառույթները

  • Կազմակերպության գործունեությամբ պայմանավորված՝ ծրագրերի, նախագծերի, ընթացիկ միջոցառումների համար դիզայներական գրավիչ լուծումներով նյութերի պատրաստում
  • Լոգոների, վեբկայքի և սոցիալական մեդիայի գրաֆիկական նմուշների, հրավիրատոմսերի, պաստառների, թռուցիկների և անհրաժեշտության դեպքում այլ գրաֆիկական  նյութերի մշակում
  • Դիզայնին առնչվող մարքեթինգային առաջարկներ, որոնք համահունչ կլինեն «Ինլայթ»-ի գործունեությանը
  • Տպարանների և հրատարակչությունների հետ աշխատանք

Պահանջվող որակավորումները

  • Adobe Photoshop, Adobe Illustrator, Corel Draw ծրագրերի իմացություն
  • հարակից այլ ծրագրերի իմացությունը ցանկալի է
  • հայերեն, ռուսերեն և անգլերեն լեզուների իմացությունը ցանկալի է
  • տպարանների և հրատարակչությունների հետ աշխատանքային փորձը ցանկալի է
  • պարտաճանաչություն և պատասխանատվության բարձր զգացում
  • անհատական և թիմային արդյունավետ աշխատանքի ունակություն
  • ստեղծարարություն և համարձակություն

Ձեր ակնկալիքները «Ինլայթ»-ից

Ճկունություն: Աշխատանքն իրականացվում է գլախավորապես հեռահար հաղորդակցության եղանակով և ազատ գրաֆիկով։ Դուք ազատ եք աշխատել այնտեղ, որտեղ կամենաք և ինչպես կամենաք: Մեզ համար կարևորը արդյունքն է: Աշխատանքի ընթացքում անհրաժեշտության դեպքում կստանաք  խորհրդատվություն և աջակցություն բաժնի ղեկավարի  և կազմակերպության մյուս անդամների կողմից:

Հրապարակայնություն։  Ձեր աշխատանքները զետեղվում են կազմակերպության կայքէջում, սոցմեդիայի տարբեր հարթակներում, տպագիր մամուլում և կազմակերպության կողմից հրապարակվող ու  հրատարակվող այլ հարթակներում՝ Ձեր անուն ազգանունով և հեղինակային իրավունքով:

Անհատական և մասնագիտական աճ։ Որպես մեր կազմակերպության կամավոր՝ Դուք կդառնաք «Ինլայթ»-ի մշտապես աճող, դինամիկ և գործուն թիմի անդամ։ Ձեռք կբերեք ինչպես նոր ընկերներ և ծանոթություններ, այնպես էլ՝ անգնահատելի փորձ, ինչը մեծապես կնպաստի Ձեր մասնագիտական աճին: Իսկ Ձեր կատարած տարաբնույթ աշխատանքները կհարստացնեն Ձեր պորտֆոլիոն: 

Կամավորության վկայական։ Դառնալով մեր թիմի անդամ՝ Դուք կազմակերպության հետ կնքում եք կամավորական աշխատանքի պայմանագիր նվազագույնը 1 տարի ժամկետով: Ժամկետի լրանալուց հետո ստանում եք վկայական: Կազմակերպությունը պատրաստակամ է նաև նվազագույնը 6 ամսվա արդյունավետ աշխատանք ցուցաբերած կամավորի անունով տրամադրել երաշխավորագիր՝ վերջինիս ապագա գործատուին, գործընկերներին, ուսումնական հաստատությանը և այլն։

«Ինլայթ» հանրային հետազոտությունների կենտրոնի Հանրային կապերի և մարքեթինգի բաժնին որպես դիզայներ անդամակցելու համար անհրաժեշտ է լրացնել հետևյալ հայտադիմումը։ Առավելագույնը մեկ շաբաթվա ընթացքում մենք կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների spam բաժինը՝ հնարավոր բացթողումներից խուսափելու համար։ 

2 COMMENTS

LEAVE A REPLY

Please enter your comment!
Please enter your name here