Ռեժիսոր

«Ինլայթ» հանրային հետազոտությունների կենտրոնին անհրաժեշտ է ռեժիսոր, ով ցանկանում է կամավորական աշխատանքի շնորհիվ զարգացնել իր մասնագիտական կարողությունները։ Ռեժիսորական կրթությունը խիստ ցանկալի է, սակայն ոչ պարտադիր։ Կարող են դիմել նաև սկսնակ ռեժիսորները/ուսանողները։

Աշխատանքը կատարվում է բացառապես կամավորական հիմունքներով։

Գործառույթները
  • Կազմակերպության կողմից իրականացվող վիդեոնախագծերի համակարգում և այլ մասնագետների հետ համատեղ սցենարի մշակում:
  • Տարաբնույթ ծրագրերի, միջոցառումների տեսանկարահանման աշխատանքներում մասնագիտական գործառույթների իրականացում:
  • Աշխատանք վիդեո-խմբագիրների և լուսանկարիչների հետ նկարահանման և հետնկարահանման աշխատանքները կազմակերպելու ժամանակ [ներկա գտնվել նկարահանումներին, ուղղորդել օպերատորին, աշխատել և ուղղորդել վիդեոխմբագիրներին՝ տեսանյութերի մոնտաժի ժամանակ]:
Պահանջվող որակավորումները
  • Ձայնային և լուսային տեխնիկայի հետ աշխատանքի իմացություն
  • Аdobe Premiere Pro CC, Adobe Photoshop, Adobe After Effects CC, Adobe Illustrator և հարակից այլ ծրագրերի իմացությունը ողջունելի է
  • Տաղավարային նկարահանումների իրականացման փորձը ցանկալի է, բայց ոչ պարտադիր
  • կազմակերպչական և առաջնորդական հմտություններ
  • ստեղծարար միտք,  հետաքրքրական գաղափարներ ու առաջարկներ
  • պարտաճանաչություն և պատասխանատվության բարձր զգացում
  • անհատական և թիմային արդյունավետ աշխատանքի ունակություն
  • նկարահանվողների հետ հաղորդակցման հմտություններ և համբերություն 🙂
Ձեր ակնկալիքները «Ինլայթ»-ից

Ճկունություն: Աշխատանք իրականացվում է նախապես ձեռքբերվող պայմանավորվածությամբ և գրաֆիկով, չի ենթադրում խիստ ծանրաբեռնվածություն: Լիովին կարող եք համատեղել այլ աշխատանքների հետ: Աշխատանքի ընթացքում անհրաժեշտության դեպքում կստանաք  խորհրդատվություն և աջակցություն բաժնի ղեկավարի  և կազմակերպության մյուս անդամների կողմից:

Հրապարակայնություն։  Ձեր աշխատանքները զետեղվում են կազմակերպության կայքէջում, սոցմեդիայի տարբեր հարթակներում և կազմակերպության կողմից հրապարակվող այլ հարթակներում՝ Ձեր անուն ազգանունով և հեղինակային իրավունքով:

Անհատական և մասնագիտական աճ։ Որպես մեր կազմակերպության կամավոր՝ Դուք կդառնաք «Ինլայթ»-ի մշտապես աճող, դինամիկ և գործուն թիմի անդամ։ Ձեռք կբերեք ինչպես նոր ընկերներ և ծանոթություններ, այնպես էլ՝ անգնահատելի փորձ, ինչը մեծապես կնպաստի Ձեր մասնագիտական աճին: Իսկ Ձեր կատարած տարաբնույթ աշխատանքները կհարստացնեն Ձեր պորտֆոլիոն: 

Կամավորության վկայական։ Դառնալով մեր թիմի անդամ՝ Դուք կազմակերպության հետ կնքում եք կամավորական աշխատանքի պայմանագիր նվազագույնը 1 տարի ժամկետով: Ժամկետի լրանալուց հետո ստանում եք վկայական: Կազմակերպությունը պատրաստակամ է նաև նվազագույնը 6 ամսվա արդյունավետ աշխատանք ցուցաբերած կամավորի անունով տրամադրել երաշխավորագիր՝ վերջինիս ապագա գործատուին, գործընկերներին, ուսումնական հաստատությանը և այլն։

«Ինլայթ» հանրային հետազոտությունների կենտրոնի Հանրային կապերի և մարքեթինգի բաժնին որպես ռեժիսոր անդամակցելու համար անհրաժեշտ է լրացնել հետևյալ  հայտադիմումը։ Առավելագույնը մեկ շաբաթվա ընթացքում մենք կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների spam բաժինը՝ հնարավոր բացթողումներից խուսափելու համար։