Լուսանկարիչ

«Ինլայթ» հանրային հետազոտությունների կենտրոնի լուսանկարչի թափուր հաստիքի համար կարող են դիմել ինչպես փորձառու, այնպես էլ սկսնակ լուսանկարիչներ, լուսանկարչություն սիրող և դրանով զբաղվող անհատներ, ովքեր ցանկանում են կամավորական աշխատանքի շնորհիվ զարգացնել իրենց հմտությունները։
Աշխատանքը կատարվում է բացառապես կամավորական հիմունքներով:

Ինչ ենք մենք ակնկալում Ձեզնից

  • Կազմակերպության պաշտոնական և ոչ պաշտոնական միջոցառումների լուսանկարահանում
  • «Ինլայթ»-ի կայքէջի և սոց. մեդիայի համար անհրաժեշտ լուսանկարների տրամադրում
  • Կամավոր հիմունքներով աշխատելու պատրաստակամություն
  • Նվիրվածություն և սեր աշխատանքի հանդեպ
  • Ամսական միջինում 4 ժամ աշխատանք
  • Պրոֆեսիոնալ կամ կիսապրոֆեսիոնալ լուսանկարչական սարքի առկայություն

Պահանջվող որակավորումները

  • Լուսանկարչական մինիմալ գիտելիքներ
  • Photoshop-ի իմացությունը ցանկալի է

Ինչ կտա Ձեզ «Ինլայթ» հանրային հետազոտությունների կենտրոնը

Ճկունություն: Աշխատանքն իրականացվում է ազատ գրաֆիկով, ad hoc հիմունքով և չի ենթադրում խիստ ծանրաբեռնվածություն:

Անհատական և մասնագիտական աճ: Որպես մեր կազմակերպության կամավոր՝ Դուք կդառնաք «Ինլայթ»-ի մշտապես աճող, դինամիկ և գործուն թիմի անդամ: Ձեռք կբերեք նոր ընկերներ և ծանոթություններ: Լուսանկարների շնորհիվ կհարստացնեք Ձեր պորտֆոլիոն։

Կամավորության վկայական։ Դառնալով մեր թիմի կամավորը՝ Դուք կարող եք կազմակերպության հետ կամավորական աշխատանքի պայմանագիր կնքել 1 տարի ժամկետով: Ժամկետի լրանալուց հետո կամավորը ստանում է վկայական: Կազմակերպությունը պատրաստակամ է նաև նվազագույնը 6 ամսվա արդյունավետ աշխատանք ցուցաբերած կամավորի անունով տրամադրել երաշխավորագիր վերջինիս ապագա գործատուին, գործընկերներին, ուսումնական հաստատությանը և այլն։

«Ինլայթ» հանրային հետազոտությունների կենտրոնի Մեդիա բաժնին որպես լուսանկարիչ անդամակցելու համար անհրաժեշտ է լրացնել հետևյալ հայտադիմումը: Առավելագույնը մեկ շաբաթվա ընթացքում մենք Ձեզ հետ կապ կհաստատենք նշված էլեկտրոնային հասցեի միջոցով:

2 COMMENTS

LEAVE A REPLY

Please enter your comment!
Please enter your name here