Գերմանիան կարող է անկում ապրել․ նախազգուշացնում է Բունդեսբանկը

The skyscraper headquarters of the European Central Bank (ECB), left, stands back dropped by the financial district city skyline in Frankfurt, Germany, on Tuesday, Aug. 13. 2019. © Photographer: Alex Kraus/Bloomberg
Բնօրինակի հեղինակ՝ Financial Times

19 Օգոստոս, 2019

Գերմանիայի կենտրոնական բանկը նախազգուշացրեց, որ Եվրոպայի խոշորագույն տնտեսությունը, ամենայն հավանականությամբ, երրորդ եռամսյակում կսկսի անկումը՝ գերմանական արտահանման կտրուկ անկման և արդյունաբերական արտադրանքի կրճատման պատճառով:

Բունդեսբանկն իր ամենամսյա տվյալների թարմացման մեջ նշել է՝ ակնկալում է, որ Գերմանիայի տնտեսությունը «թույլ» կմնա երեք ամիս՝ մինչև սեպտեմբեր՝ հավելելով, որ երեք ամիսների ընթացքում 0,1 տոկոս անկումից հետո «կարող է շարունակել մի փոքր անկում ապրել մինչև հունիս»:

Նախազգուշացումը հավելեց մռայլ ազդանշանները գերմանական տնտեսության մասին, որը շրջանի լոկոմոտիվից վերածվել է դրա հետաձգվածներից մեկի՝ նվազեցվելով ավտոարդյունաբերության անկմամբ, ինչն էլ համադրվում է ԱՄՆ-Չինաստան առևտրային պատերազմով և ԵՄ-ից Բրիտանիայի քաոսային ելքի հեռանկարով:

Երկրորդ եռամսյակում արտաքին առևտրի դանդաղեցումը և արդյունաբերական արտադրության անկումը մասնակիորեն փոխհատուցվել են տնային տնտեսությունների աճի և կառավարության կողմից ծախսերի մեծացման հաշվին: Այդուհանդերձ Բունդեսբանկը նախազգուշացրեց, որ վստահ չէ, թե այս գործընթացը որքան ժամանակ կարող է շարունակվել:

«Ապագա իրադարձությունները կախված կլինեն այն բանից, թե որքան կտևի ներկայիս երկակի իրավիճակը և ինչ ուղղությամբ այն կարող է զարգանալ», – ասվում է հայտարարության մեջ: «Ներկայումս պարզ չէ ՝ կվերականգնվե՞ն արտահանումը և, համապատասխանաբար, արդյունաբերությունը՝ նախքան երկրի տնտեսությունը ավելի շատ ազդեցություն կկրի»:

Վերջին շաբաթների ընթացքում Գերմանիայի կողմից մեկ տասնամյակի հարկաբյուջետային ավելցուկի խոստումը քննադատության է ենթարկվել տնտեսագետների, գործարար խմբերի, ընդդիմության առաջնորդների և նույնիսկ կառավարական կոալիցիայի առանձին անդամների կողմից:

Եվրոպական կենտրոնական բանկը հաջորդ ամիս մտադիր է էլ ավելի նվազեցնել տոկոսադրույքերը, սակայն Մարիո Դրագին բազմիցս պնդել է, որ եվրագոտու կառավարությունները չպետք է ապավինեն միայն դրամավարկային քաղաքականությանը՝ միության տնտեսությունը փրկելու համար:

Նախանշաններ կան, որ Գերմանիայի կառավարությունը պատրաստվում է խթանող փաթեթ կիրառել, ինչպես նաև միջոցառումներ՝ ներդրումները խթանելու և ածխածնի արտանետումները նվազեցնելու համար:

Ֆինանսների նախարար Օլաֆ Շոլցը կիրակի հայտարարել է, որ կառավարությունը պետք է կարողանա իրականացնել 50 միլիարդ եվրոյի խթանող փաթեթ այնպես, ինչպես 2008-ի ֆինանսական ճգնաժամից հետո:

Վերջին տվյալները ցույց են տալիս, որ այս տարվա երկրորդ կեսին Գերմանիայի տնտեսական թուլությունը պահպանվում է: Անցյալ շաբաթ ZEW-ի (Zentrum für Europäische Wirtschaftsforschung)  ֆինանսական շուկայի փորձագետների կողմից անցկացված հարցումը ցույց տվեց, որ օգոստոսի վերջին տնտեսական սպասումները իջել են մինչև -44,1 մակարդակի, որն ամենացածրն է 2011թ.-ին եվրագոտու ֆինանսական ճգնաժամից ի վեր և շատ ավելի հոռետեսական  է, քան սպասում էին վերլուծաբանները:

Երկուշաբթի օրը Deutsche Bank-ն իջեցրեց իր կանխատեսումը՝ ասելով, որ Գերմանիայի տնտեսությունն այս տարի կաճի ընդամենը 0,3 տոկոսով, իսկ հաջորդ տարի՝ 0,7 տոկոսով, և կանխատեսելով, որ այն արդեն «տեխնիկական անկման մեջ է», որը սահմանվում է որպես բացասական աճ երկու անընդմեջ քառորդներում:

«Մենք գիտակցում ենք, որ այդ կրճատումները պատշաճ չեն արտացոլում այն ռիսկերի կուտակումը, որոնց հետ մենք բախվել ենք վերջին մի քանի եռամսյակների ընթացքում», – ասաց Ստեֆան Շնայդերը՝ Deutsche Bank-ի գլխավոր տնտեսագետը:

«Հաշվի առնելով գլոբալ տնտեսության ավելի փխրուն վիճակը՝ մեկ կամ մի քանի ռիսկերի իրացումը կարող է հեշտությամբ մղել տնտեսությունը բոլորովին այլ սցենարի, որտեղ տոկոսային կետի մի քանի տասնյակներով վերանայումը չի բավականացնի»:

Բազմաթիվ տնտեսագետներ վախենում են, որ Գերմանիան, որն անցած տարի հազիվ էր խուսափել տեխնիկական անկումից, կանգնած է երկարատև անկման վտանգի առջև, քանի որ դրա թույլ արտադրական հատվածը ներթափանցում է նախկինում աշխույժ ծառայությունների և սպառման ոլորտներ:

Բունդեսբանկը նշել է, որ տնտեսական դանդաղումը սկսել է ազդեցություն ունենալ աշխատաշուկայի վրա՝ հավելելով, որ երկրորդ եռամսյակում զբաղվածության աճը «զգալիորեն դանդաղ է», իսկ աշխատավարձերի աճը՝ «զգալիորեն ավելի քիչ»:

Միևնույն ժամանակ, ըստ երկուշաբթի հրապարակված վերանայված տվյալների, եվրագոտում գնաճը շարունակում է ընկնելմ, ինչը կամրապնդի փաստարկները ի նպաստ ԵԿԲ դրամավարկային քաղաքականության հետագա մեղմացման:

Հուլիսին Eurostat-ը վերանայել է եվրագոտում իր գնաճի մակարդակը՝ նախնական 1,1 տոկոսից հասցնելով մինչև 1 տոկոս, ինչը զգալիորեն ցածր է նախորդ ամսվա գնաճից 1.3 տոկոսով և նույնիսկ ավելի ցածր, քան ԵԿԲ-ի թիրախը, որը մոտ է 2 տոկոսին:

Թարգմանիչ՝ Հակոբ Հակոբյան (Hakob Hakobyan) © Բոլոր իրավունքները պաշտպանված են:

LEAVE A REPLY

Please enter your comment!
Please enter your name here