Թրամփ-Կիմ գագաթնաժողով

Բնօրինակի հեղինակ՝ Faras Ghani, Al Jazeera

Արդյո՞ք երկու առաջնորդները կհանդիպեն բանակցությունների երրորդ փուլի համար

ԱՄՆ նախագահն ու Հյուսիսային Կորեայի առաջնորդն այս տարի արդեն երկու հանդիպում են ունեցել՝ կրկին հանդիպելու խոստումով: Բայց արդյո՞ք դա տեղի կունենա:

Այս տարի Դոնալդ Թրամփի և Կիմ Չեն Ընի միջև երրորդ գագաթնաժողովի հեռանկարը մռայլ է թվում, չնայած այս տարի արդեն երկու հանդիպում անցկացրած ղեկավարների միջև «հիանալի հարաբերություններին», և Հյուսիսային Կորեայի առաջնորդից «գեղեցիկ» նամակ ստանալու մասին ԱՄՆ նախագահի խոսքերին: Ապրիլին, Վիետնամում բանակցությունների տապալումից հետո, Կիմը հայտարարեց, որ մինչև տարեվերջ կսպասի «ԱՄՆ կողմից ևս մեկ անգամ հանդիպելու համարձակ որոշոման կայացմանը»։

Հունիսին երկու առաջնորդները հանպատրաստի հանդիպում ունեցան երկու Կորեաները բաժանող ապառազմականացված գոտում: Սա առաջին հանդիպումն էր Հանոյի տապալված բանակցություններից հետո՝ երկրորդ գագաթնաժողովի, որը երկու   առաջնորդներն ունեցան մեկ տարուց էլ քիչ ժամանակահատվածում և որը նախատեսվածից շուտ ավարտվեց այն բանից հետո, երբ կողմերին չհաջողվեց համաձայնության գալ: Երրորդ գագաթնաժողովն անխուսափելի էր թվում, հատկապես, որ Թրամփը ապառազմականացված գոտում հայտարարեց, որ  կողմերը պայմանավորվել են վերսկսել քննարկումներն առաջիկա շաբաթների ընթացքում:

«Մեր միջև հիանալի հարաբերություններ են ձևավորվել»,- հայտարարեց ԱՄՆ նախագահը հունիսին: «Այն հարաբերությունները, որը մենք զարգացրել ենք այնքան մեծ նշանակություն են ունեցել մեծաթիվ մարդկանց համար, և ինձ համար մեծագույն պատիվ է Ձեզ հետ լինելը, պատիվ էր այդ սահմանագիծն անցնելու ձեր խնդրանքը, և ես հպարտ էի, որ հատեցի այդ գիծը»:

Բայց այդ ժամանակվանից ի վեր, գործընթացը դանդաղ է ընթանում, իսկ քննարկումները հազվադեպ են։ Հարավային Կորեայի ազգային անվտանգության հարցերով նախկին խորհրդական Չուն Յունգ-վուն «Ալ Ջազիրա»-ի հետ զրույցում նշել էր. «Թեև երկու կողմերն էլ բաց են երրորդ գագաթնաժողովի համար, բայց  զբաղված են իրենց բանակցային ուժերի ավելացմամբ, և առաջին հերթին ավելի շատ խաղաքարտեր ապահովելով։

«Վաշինգտոնը և Փհենյանն այժմ խաղում են բանակցային հենք՝  իրենց սեփական շահերից բխող պայմաններ ձևավորելու համար», ” ասել է Չունը:

Փհենյանն ընդդեմ Պոմպեոյի

Չնայած երկու առաջնորդների միջև հարաբերությունները կարծես բարեկամական են, և Թրամփը պահպանում է փափուկ հարաբերություններ Փհենյանի նկատմամբ, Հյուսիսային Կորեայի պաշտոնյաներն անհանգստացած են  Թրամփի թոփ դիվանագետ Մայք Պոմպեոյի գործողություններից:։

Այն բանից հետո, երբ Պոմպեոն  Փհենյանի պահվածքն անվանեց «խաբեբայական», Հյուսիսային Կորեայի արտգործնախարարի առաջին տեղակալ Չո Սոն Հուին ասաց, որ «անմտածված» մեկնաբանությունները խորացնում են թշնամանքը ԱՄՆ-ի նկատմամբ:

«Միացյալ նահանգներիի հետ երկխոսության մեր ակնկալիքներն աստիճանաբար վերանում են, և մենք ստիպված ենք վերանայել բոլոր այն քայլերը, որոնք  ձեռնարկել էինք մինչ այժմ», ” ասել է Չոոն օգոստոսին:

Հանոյից ի վեր Հյուսիսային Կորեան բազմիցս պահանջել է Պոմպեոյին հեռացնել միջուկային քննարկումներից՝ նրան անվանելով «անսպառ տոքսին», և մեղադրելով  Փհենյանի հայտարարությունները աղավաղելու մեջ:

Քննադատությունը, սակայն, սահմանափակվել է միայն Թրամփի բարձրաստիճան դիվանագետով և չի տարածվել  ԱՄՆ նախագահի նկատմամբ, ինչն էլ Թրամփի հիացմունքն է առաջացրել Հյուսիսային Կորեայի առաջնորդի նկատմամբ::

«Հյուսիսային Կորեայի պետական լրատվամիջոցները քննադատել են Թրամփի պաշտոնյաներին՝ աշխատանքային մակարդակով բանակցությունները շրջանցելու և «վերից վար» մոտեցման համար», ” ասել է Չունը:

«Հյուսիսային կորեացիների համար Թրամփի հետ բանակցելը քիչ ծանր է, քան գործ ունենալ այնպիսի մարդկանց հետ, ովքեր ավելի լավ են պատկերացնում, թե իրականում ինչ է կատարվում միջուկային հարցերի շուրջ: Բայց աշխատանքային մակարդակով բանակցությունների  և երրորդ գագաթնաժողովի առաջխաղացման որևէ գործարք չի հանգեցնի ևս մեկ ձախողման»:

Մայք Պոմպեոյին Հյուսիսային Կորայում անվանել են «անսպառ տոքսին»

Մայք Պոմպեոյին Հյուսիսային Կորեայում անվանել են «անսպառ տոքսին»[/caption]

Ըստ Միացյալ Նահանգների, Փհենյանի պահանջը՝ պատժամիջոցների լիակատար վերացման դիմաց «թերակղզու լիակատար ապամիջուկայնացումը» Վիետնամի հետ հարաբերությունների առաջընթացի խոչընդոտ դարձավ, պահանջ, որը Հյուսիսային Կորեայի պաշտոնյաները մերժել են:

Չնայած փակուղային իրավիճակին, Հարավային Կորեայի նախագահ Մուն Ջե-ինը հայտարարել է, որ Թրամփի և Կիմի «երկխոսությանը մասնակցելու պատրաստակամությունը երբեք չի մարել»:

«Հյուսիսային Կորեան այն  քիչ խնդիրներից է, որը կարող է թույլ տալ  նախագահ Թրամփին հավակնե լհաղթանակի արտաքին քաղաքականության մեջ: Հասկանալի է, թե ինչու է նա ցանկանում պահպանել անձնական բարեկամական հարաբերություններ», ” ասաց Կորեայի Միավորման նախարարության խոսնակի նախկին տեղակալ Սուջին Պարկը «Ալ Ջազիրա»-ի հետ զրույցում:

Աշխատանքային մակարդակով հանդիպումներ

Ապառազմականացված գոտու դեմ առ դեմ հանդիպումից ի վեր երկու կողմերի միջև դեռևս այլ հայտնի հանդիպումներ չի եղել, և Սուջինը, որը նաև Ուիլսոնի կենտրոնի հասարակական քաղաքականության գծով հետազոտող է, ասաց, որ աշխատանքային մակարդակով բանակցությունների վերսկսումը պետք է նախորդի առաջնորդների գագաթնաժողովին:

«Դժվար է պատկերացնել երրորդ գագաթնաժողովի կայացումը, եթե երկու կողմերի միջև  աշխատանքային մակարդակով հանդիպումների ընթացքում առնվազն որոշ կարևոր հարցեր լուծում չստանան»,-ասաց Սուջինը։

Սուջինի այս կարծիքը սատարեց Սեուլում Ասանի քաղաքական հետազոտությունների ինստիտուտի ավագ գիտաշխատող Շին Բեոմչուլը՝ հավելելով, որ այդ հանդիպումներն, ամենայն հավանականությամբ, տեղի կունենան հաջորդ տարի:

«Թրամփը ձգտում է վերընտրվել 2020 թվականին, ուստի գագաթնաժողովը հաջորդ տարվա սկզբին կազմակերպելը ռազմավարական առումով կլինի լավագույն տարբերակը», ” ասել է Բեոմչուլը «Ալ Ջազիրա»-ին։ «Նրա հիմնարար հետաքրքրությունը կայանում է քաղաքականության մեջ։  Նրա դիվանագիտական հռետորաբանությունը մեկնաբանել իմաստ չունի»:

Հուլիսի վերջից ի վեր Հյուսիսային Կորեան իրականացրել է կարճ հեռահարության հրթիռների կամ հրետանային յոթ փորձարկում։ Թրամփն այդ փորձերն անվանել է  «շատ ստանդարտ» և հայտնել, որ «ոչ մի խնդիր» չունի դրանց հետ կապված՝ նշելով, որ դրանք չեն ազդի Փհենյանի հետ բանակցելու պատրաստակամության վրա:

Թրամփն, ըստ էության, Կիմի քաղաքական պատանդն է:

” Չուն Յունգ Վու, Հարավային Կորեայի Ազգային անվտանգության նախկին խորհրդատու

«Քանի դեռ Հյուսիսը զսպում է  հեռահար հրթիռների արձակումը, որոնք ունակ են հասնել ԱՄՆ մայրցամաքային տարածք, Թրամփը որևէ գործողություն չի ձեռնարկի», ” ասաց Չունը:

«Հարավային Կորեային սպառնացող միջուկային զենքը նրան չի մտահոգում: Թրամփը նաև ձեռնպահ է մնում Կիմի վերաբերյալ սադրիչ հայտարարություններ անելուց՝ վախենալով, որ Հյուսիսային Կորեայի առաջնորդը  հետ կկանգնի բանակցություններից:

«Թրամփն, ըստ էության, Կիմի քաղաքական պատանդն է: Վերջինս կարող է ԱՄՆ նախագահին զրկել իր միակ դիվանագիտական ձեռքբերումից, հատկապես առաջիկա նախագահական  քարոզարշավում»:

Որոշ վերլուծաբաններ՝ դատելով երկու պաշտոնյաների հայտարարություններից, կարծում են, որ այս պահի դրությամբ կուլիսային դիվանագիտություն տեղի չի ունենում, հավելելով, որ Փհենյանը դադարեցրել է նաև Սեուլին ապավինելը՝ Վաշինգտոնին բանակցությունների  սեղանի շուրջ բերելու համար։

Սեուլում տեղակայված “NK News”-ի հաղորդմամբ, Հյուսիսային Կորեայի արտգործնախարար Ռի Յոնգ Հոն, ամենայն հավանականությամբ, այս ամիս բաց կթողնի Նյու Յորքում ՄԱԿ-ի Գլխավոր ասամբլեան։ Ռիի բացակայությունը կարող է նշանակել, որ  «ԱՄՆ-ի և ԿԺԴՀ-ի միջև աշխատանքային մակարդակով բանակցությունները վերսկսելու կարևոր հնարավորությունը հետագայում կարող է բաց թողնվել»,- գրում է “NK News”-ը։

Բայց Սուջինն ասաց, որ ստեղծված պայմաններում և հաշվի առնելով երկու կողմերի պատմությունը՝ կուլիսային դիվանագիտությունը նախապայման է երկխոսությունը շարունակելու համար: «Նման երկարամյա հակառակորդների համար միայն պաշտոնական և հանրային դիվանագիտության միջոցով էական առաջընթաց գրանցելը շատ դժվար է», ” ասել է նա:

Թարգմանիչ՝ Մարիամ Օհանյան (Mariam Ohanyan) © Բոլոր իրավունքները պաշտպանված են: