Վերլուծական պրակտիկայի հնարավորություն «Ինլայթ» ՀԿ-ում
Ցանկանու՞մ ես զարգացնել վերլուծական հմտություններդ, ձեռք բերել նոր պրակտիկ փորձ ու գիտելիք քո մասնագիտական ոլորտում, ուրեմն բաց մի թող «Ինլայթ» հանրային հետազոտությունների կենտրոնում եռամսյա վերլուծական պրակտիկային միանալու հնարավորությունը:
«Ինլայթ» հանրային հետազոտությունների կենտրոնը պրակտիկայի է հրավիրում ճկուն և ստեղծագործ վերլուծական միտք ունեցող մասնագետների [քաղաքագետ, միջազգայնագետ, տնտեսագետ, իրավագետ, գրականագետ, պատմաբան, արվեստաբան, մշակութաբան, մարդաբան, լեզվաբան, ընկերաբան, հանրային կառավարման մասնագետ, կրթության կառավարման մասնագետ և այլն], ովքեր ցանկանում զարգացնել իրենց վերլուծական հմտությունները, ինչու ոչ նաև՝ հանրայնացնել իրենց տեսակետներն ու հարցադրումները տարբեր ոլորտներին առնչվող վերլուծությունների տեսքով:
Պահանջվող որակավորումները.
- Վերլուծական ճկուն միտք և ստեղծարարություն
- Արհեստավարժություն և անաչառություն
- Համարձակություն և նախանձախնդրություն
- Իրազեկվածություն
- Պատասխանատվություն
Պրակտիկան իրականացվելու է գլխավորապես հեռահար հաղորդակցման եղանակների և գործիքակազմի կիրառմամբ՝ ճկուն աշխատանքային գրաֆիկով:⌨️
3-ամսյա պրակտիկան հաջողությամբ հաղթահարած մասնակիցներին կշնորհվեն հավաստագրեր: Լավագույն պրակտիկանտները կազմակերպության վերլուծաբանների բաժնի անդամակցման հնարավորություն կստանան:
Հայտերն ընդունվում են մինչև 2020թ. մայիսի 10-ը: Պրակտիկայի մեկնարկը՝ 2020թ. մայիսի 20-ից:
✍️Դիմելու համար անհրաժեշտ է լրացնել հետևյալ հայտադիմումը: Հայտերի ընդունման վերջնաժամկետից հետո՝ մեկ շաբաթվա ընթացքում, մենք Ձեզ հետ կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների Spam բաժինը՝ հնարավոր բացթողումներից խուսափելու համար։