XX դարի փիլիսոփայության տարրական ուղեցույց
Նորագույն պատմության թվով 9 գերմանական, ֆրանսիական և անգլոսաքսոնական ավանդույթները
«Ինլայթ»-ը ներկայացնում է Arzamas-ի «XX դարի փիլիսոփայության տարրական ուղեցույց» շարքի նյութերի հայերեն թարգմանությունը:
Նեոմարքսիզմ
Ծագել է Գերմանիայում, անցյալ դարի 60-90-ականներին։
© Emiliano Bruzzone
Ինչ հիմնական խնդիրն էր լուծում այս ուղղությունը
Ինչպես է հնարավոր ժամանակակից աշխարհում պայքարել մարդու ազատագրման համար:
Հիմնական թեզիսը
20-րդ դարում կապիտալիզմը հայտնագործել է մարդու շահագործման նոր ձևեր` հաջողության պատրանքային արժեքների, ցուցադրական սպառման, այդ թվում՝ մասսայական արվեստի սպառման միջոցով։
Ինչ եզրույթներ են օգտագործել փիլիսոփաները
Օտարում ⇾ Մարքսի տերմինն է, որ տնտեսագիտության մեջ նշանակում է աշխատավորների արտադրած ապրանքի փոխանցումը ձեռնարկության սեփականատիրոջը, իսկ ավելի լայն իմաստով՝ մի իրավիճակ, որի ընթացքում մարդու կյանքն անցնում է աշխատավայրում, հանրության մեջ ու մշակույթում, որոնք ճնշում են նրա ստեղծագործականությունը:
Սպառողական հասարակություն ⇾ կապիտալիզմի զարգացման փուլ, որի ընթացքում մարդկանց սոցիալական կյանքը հասցված է արդյունաբերական ապրանքների, ծառայությունների և զանգվածային մշակույթի (հոլիվուդյան ֆիլմեր, մոդայիկ գրքեր) սպառողականությանը։
Միաչափ մարդ ⇾ հաջողության ձգտող սպառող-կոմֆորմիստ, որի շնորհիվ հնարավոր են դառնում անազատության, աղքատության, ռասիզմի, կանանց շահագործման բոլոր ձևերը։
Որ գիտությունների վրա է ազդել՝ փիլիսոփայությունից բացի
Նեոմարքսիզմը դարձավ ազդեցիկ ինտելեկտուալ հենարան աշխարհի գեղարվեստական ստեղծագործությունների հեղինակների ու համալսարանների դասախոսների համար։
Դպրոցի առանցքային ներկայացուցիչները
Հոսանքի ստեղծմանը մասնակցել են Հերբերտ Մարկուզեն, Թեոդոր Ադորնոն, ինչպես նաև, այսպես կոչված, ֆրեյդոմարքսիզմի ներկայացուցիչները, որոնք համակցել են կապիտալիզմի քննադատությունն ու ժամանակակից մարդուն բնորոշ նևրոզի, բարդույթների քննադատությունը։
Գրականություն
- Пассмор Д. Сто лет философии. М., 1998.
- Андерсон П. Размышления о западном марксизме. М., 1991.
- Уэст Д. Континентальная философия. М., 2015.
Թարգմանիչ՝ Անի Յախշիբեկյան (Ani Yakshibekyan) © Բոլոր իրավունքները պաշտպանված են: