«Ինլայթ» հանրային հետազոտությունների կենտրոնը մեկնարկում է տնտեսագիտական նոր նախագիծ EconoMix խորագրով:
EconoMix-ը տնտեսագիտական հասկացությունների վիզուալ շտեմարան-հարթակ է, որտեղ կզետեղվեն տնտեսագիտական ամենատարբեր հասկացությունների բացատրությունները հանրամատչելի տեքստերի և վիդեոհոլովակների միջոցով:
EconoMix-ի հրապարակումների այժմյան կառուցվածքը ներառում է՝
- տեքստային հատված նախատեսված հասկացության ընդհանուր մեկնաբանման համար,
- ինֆոգրաֆիկ վիդեոհոլովակ հասկացության հիմնական բովանդակության կամ տեքստի առանձին հատվածի վերաբերյալ:
Նախագծի նպատակն է՝
- հայկական լսարանին ներկայացնել տնտեսագիտական տերմինների վերաբերյալ հայալեզու բացատրական-տեղեկատվական նյութեր,
- բարձրացնել տնտեսական և ֆինանսական գրագիտության մակարդակը:
Ծրագիրը նախատեսված է ոչ միայն տնտեսագետների, այլ նաև հասարակության լայն շրջանակի համար։
Նախագիծը նվիրված է «Ինլայթ»-ի վերլուծաբան, Խորհրդի անդամ, Արցախյան երկրորդ պատերազմի հերոս, մասնագիտությամբ տնտեսաագետ ՀԱԿՈԲ ՀԱԿՈԲՅԱՆԻ լույս հիշատակին:
EconoMix-ի հրապարակումներին կարող եք հետևել «Ինլայթ»-ի կայքէջի «Նախաձեռնությունների ցանց» բաժնում՝ EconoMix խորագրի ներքո, ինչպես նաև Enlight Studies YouTube-յան ալիքում:
Հրապարակումները նախատեսվում են յուրաքանչյուր երկուշաբթի և հինգշաբթի օրերին: