«Ինլայթ» հանրային հետազոտությունների կենտրոնը հայտարարում է ուսանողների համալսարանական արտադրական պրակտիկան «Ինլայթ»-ում անցնելու հրաշալի հնարավորության մասին:
Սա բացառիկ հնարավորություն է օտար լեզուների և միջմշակութային հաղորդակցման ֆակուլտետների ուսանողների համար, ովքեր ցանկանում են պրակտիկ և տեսական փորձ ու գիտելիքներ ձեռք բերել թարգմանության և խմբագրության ոլորտում: Կարող են դիմել տարբեր համալսարանների համապատասխան բաժինների բոլոր այն ուսանողները, որոնց համար այս կիսամյակի ընթացքում ուսումնական ծրագրով արտադրական պրակտիկան նախատեսված է:
Պրակտիկան իրականացվելու է գլխավորապես հեռահար և հեռավար հաղորդակցման եղանակների և գործիքակազմի կիրառմամբ:
Լեզուները՝ անգլերեն, ռուսերեն, ֆրանսերեն, գերմաներեն:
Լավագույն պրակտիկանտները կազմակերպության թարգմանիչների բաժնի անդամակցման հնարավորություն կստանան:
Արտադրական պրակտիկայի տևողությունը նշում եք Դուք՝ լրացնելով հայտադիմումի համապատասխան դաշտերը:
Հայտադիմումի վերջին՝ «Այլ դիտարկումներ» դաշտում, խնդրում ենք նշել կազմակերպության կողմից համալսարանին համապատասխան տեղեկանք/քաղվածք ներկայացնելու վերջնաժամկետը:
Դիմելու համար անհրաժեշտ է լրացնել հետևյալ հայտադիմումը: Մենք Ձեզ հետ կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների Spam բաժինը՝ հնարավոր բացթողումներից խուսափելու համար։