«Մասնագիտական ընտրություն. ե՞րբ և ինչպե՞ս» նախագծի շրջանակում «Ինլայթ»-ի տարբեր մասնագիտության տեր մարդիկ ներկայացնում են իրենց մասնագիտական ոլորտի փորձը, «Ինլայթ»-ում իրենց աշխատանքային ուղին՝ փորձելով ուղղորդել երիտասարդներին մասնագիտության ընտրության, հմտությունների և անձնային զարգմացման ու կայացման հարցերում:
Նախագծի առաջին հյուրը «Ինլայթ»-ում խմբագիր, Ոսկեղենիկ և GreEnlight նախագծերում համահեղինակ և վերջիններում իր ակտիվ մասնակցությունը ցուցաբերող Վահե Սալահյանն է, ով ավարտել է Եվրոպական տարածաշրջանային ակադեմիայի միջազգային հարաբերություններ բաժինը, սակայն իր զբաղվածության ոլորտը ընդգրկում է շատ ավելի լայն շրջանակներ։
Թամարայի հետ զրույցի ընթացքում պարզվեց, որ Վահեն այժմ իր աշխատանքային գործունեությունն է ծավալում սոցիալական ձեռնարկատիրության, ոչ ֆորմալ կրթության, միջմշակութային հարաբերությունների ոլորտներում, ինչպես նաև ակտիվորեն զբաղվում է բնապահպանական գործունեությամբ։
Վահեն պատմում է, թե ինչպես է հանգել միջազգայնագետի մասնագիտության ընտրությանը, և ինչպես է իր հմտություններն օգտագործում՝ թելելու անձնական աշխատանքն ու կամավորությունն «Ինլայթ»-ում։
«Եթե կամավոր ես, ապա այդպիսին ես քո վարքով, մտածելակերպով։ Դա քո առօրյայի մի մասն է։ Կամավոր լինել՝ նշանակում է ինչ-որ առումով լինել լավ քաղաքացի»։
Զրույցն ամփոփվում է Վահեի կողմից մի քանի հեշտ, բայցև հետաքրքիր հարցերի արագ պատասխաններով։
Նախագծի շուրջ աշխատող թիմը
Վարող՝ Թամարա Նազարյան
Օպերատորներ՝ Հայկ Բաբայան, Վահե Սալահյան
Վիդեո-խմբագիր՝ Մերի Ղուլյան, Թամարա Նազարյան
Գրաֆիկ դիզայներ՝ Սյուզի Մելքոնյան
#EnlightVideocast նախագիծը ներկայացնում է կարճ հարցազրույցների շարք «Ինլայթ»-ի անդամների և կամավորների հետ՝ վիդեո ֆորմատով: Ամեն շարքի համար ընտրվում է հատուկ թեմա: Առաջին շարքի թեման #ՄասնագիտականԿողմնորոշումն է:
«Մասնագիտական ընտրություն. ե՞րբ և ինչպե՞ս»-ի հրապարակումներին կարող եք հետևել «Ինլայթ»-ի կայքի «Նախաձեռնությունների ցանց» բաժնում՝ Enlight Videocast խորագրի ներքո, ինչպես նաև Enlight Studies YouTube-յան ալիքում:
«Ինլայթ»-ի թիմին միանալու համար անցեք հղմամբ: