2023 թվականի մայիսի 20-ին լրացավ «Ինլայթ»-ի հիմնադրման 7-ամյակը՝ որպես հասարակական կազմակերպություն, և 15-ամյակը՝ որպես նախաձեռնություն:
Համաձայն «Ինլայթ»-ի Կանոնադրության՝ երկու տարին մեկ կազմակերպվում են նախագահական ընտրություններ, նախագահը և փոխնախագահը առաջադրվում են միասին՝ մեկ քվեաթերթիկով՝ միևնույն ժամանակահատվածով:
Այսպիսով, մայիսի 25-ին «Ինլայթ»-ում տեղի ունեցան հերթական նախագահական ընտրությունները․ Կազմակերպության նախագահի պաշտոնում կրկին առաջադրվել էր «Ինլայթ»-ի գործող նախագահ Դավիթ Պետրոսյանը, իսկ փոխնախագահի պաշտոնում՝ Թարգմանիչների և խմբագիրների բաժնի գործող ղեկավար Մերի Բաբայանը։
Քարոզարշավի փուլում՝ մայիսի 23-ին, թեկնածուներն առցանց եղանակով ներկայացրել էին իրենց նախընտրական ծրագիրը․
- նոր ծրագրերի միջոցով նոր անդամների ներգրավում կազմակերպության նախաձեռնություններում և հետագա աշխատանքներում,
- Կազմակերպության անդամների աշխատանքների, մտքերի ու նախաձեռնությունների խրախուսում, անդամներին քաջալերում, նրանց ճանաչելիության բարձրացում,
- բաժինների կառուցվածքի և աշխատանքի վերափոխում նոր ծրագրերի միջոցով,
- արդյունքամետության և արդյունավետության բարձրացում,
- կայքի գործունեության փոփոխությունների ու առաջընթացի ապահովում,
- ռազմավարական նոր դրույթների կազմում,
- արտաքին համագործակցային շրջանակի ընդլայնում։
Մայիսի 25-ին տեղի ունեցան նախագահական ընտրություններ․ քվեարկության արդյունքներով Դավիթ Պետրոսյանը և Մերի Բաբայանն ընտրվեցին որպես «Ինլայթ»-ի նախագահ և փոխնախագահ՝ համապատասխանաբար։
Այսպիսով, նոր նախագահությունն իր լիազորությունները կստանձնի սույն թվականի հունիսի 6-ից։
«Ինլայթ»-ի և ինլայթիների անունից խորին շնորհակալություն ենք հայտնում Լիլիթ Կարապետյանին այս երկու տարիներին իր նվիրումի, ջանքի և կատարած աշխատանքի համար՝ որպես փոխանախագահ և մաղթում նորանոր հաջողություններ Աշխատակազմի ղեկավարի պաշտոնում:
Նոր նախագահությանը՝ ի դեմս՝ Դավիթ Պետրոսյանի և Մերի Բաբայանի, մաղթում ենք հաջողություններ, իսկ «Ինլայթ»-ին՝ վերամուտներ:
Հետևե՛ք «Ինլայթ»-ի զարգացումներին։