«Ինլայթ» հանրային հետազոտությունների կենտրոնը փնտրում է նախանձախնդիր և պայծառ լրագրողների, ովքեր քաջատեղյակ կլինեն Հայաստանում և աշխարհում տարբեր ոլորտներում տեղի ունեցող իրադարձություններից, կիրականացնեն տեղեկատվության հավաքագրում և նյութերի պատրաստում, պատասխանատու կլինեն կազմակերպության աշխատանքների լուսաբանման, միջոցառումների վերաբերյալ նյութերի, պաշտոնական կայքէջում և սոցիալական ցանցերում տեղադրվող նորությունների, ընթացիկ գործունեությամբ պայմանավորված տեղեկույթի պատրաստման համար:
Աշխատանքը կատարվում է կամավորական հիմունքներով:
Գործառույթները
- Ղեկավարի կողմից սահմանված թեմայի ուսումնասիրություն և վերլուծություն
- Տեղական և արտասահմանյան տեղեկատվական դաշտի ուսումնասիրություն և մշտադիտարկում
- Տեղեկատվության հավաքագրում, մոնիթորինգ, տեքստային և մուլտիմեդիա նյութերի պատրաստում
- Կազմակերպության ընթացիկ գործունեության, իրականացվող միջոցառումների, ծրագրերի լուսաբանում և ներկայացում
- Կազմակերպության գործունեությամբ պայմանավորված հարցազրույցների կազմակերպում և վարում (տեքստային և տեսանյութերի տեսքով)
- Առավել ակտիվ լրագրողները կարող են առաջադրել իրենց թեկնածությունը կազմակերպության կանոնադրական մարմինների ընտրություններում ու ստանալ կազմակերպության կառավարմանը մասնակցելու հնարավորություն
Պահանջվող որակավորումները
- Հայերեն գրավոր և բանավոր խոսքի գերազանց իմացություն
- Ռուսերեն, անգլերեն կամ այլ օտար լեզուների իմացությունը ցանկալի է
- Տեղեկատվության հետ աշխատելու և վերլուծելու հմտություն
- Քննադատական մտածողություն և հաղորդակցման հմտություններ
- Տեսախցիկի հետ աշխատելու ունակությունը ցանկալի է
- G-Suite-ի հավելվածների (Google Drive, Docs, Sheet) իմացություն
- WordPress-ի իմացությունը ցանկալի է, բայց ոչ պարտադիր
- SMM գործիքներին տիրապետելը ցանկալի է, բայց ոչ պարտադիր
- Ժամանակի կառավարում և պատասխանատվության բարձր զգացում
- Անհատական և թիմային աշխատանքի կարողություն
- Նախանձախնդրություն և համարձակություն
Ձեր ակնկալիքները «Ինլայթ»-ից
Հրապարակայնություն։ Պատրաստված նյութերը հրապարակվում են կազմակերպության կայքէջում, որտեղ նշվում է լրագրողի անուն-ազգանունը: Բոլոր նյութերը տարածվում են կազմակերպության սոցիալական էջերի միջոցով. դրանցում ևս նշվում են լրագրողի հեղինակային իրավունքները։ Դուք մասնակցում եք կազմակերպության բոլոր միջոցառումներին և նախագծերին, որոնցում Ձեր գործառույթներն իրականացնելիս, հնարավորություն ունեք ծանոթանալ և շփվել ոլորտի մասնագետների հետ:
Ճկունություն։ Աշխատանքն իրականացվում է գլխավորապես հեռավար հաղորդակցության եղանակով և ազատ գրաֆիկով։ Աշխատանքի ընթացքում անհրաժեշտության դեպքում կստանաք խորհրդատվություն և աջակցություն բաժնի ղեկավարի և կազմակերպության մյուս անդամների կողմից:
Անհատական և մասնագիտական աճ։ Որպես մեր կազմակերպության անդամ կամ կամավոր՝ Դուք կդառնաք «Ինլայթ»-ի մշտապես աճող, դինամիկ և գործուն թիմի անդամ։ Ձեռք կբերեք ինչպես նոր ընկերներ և ծանոթություններ, այնպես էլ՝ անգնահատելի փորձ, ինչը մեծապես կնպաստի Ձեր մասնագիտական աճին:
Կամավորության վկայական։ Դառնալով մեր թիմի անդամ՝ Դուք կազմակերպության հետ կնքում եք կամավորական աշխատանքի պայմանագիր նվազագույնը 1 տարի ժամկետով: Ժամկետի լրանալուց հետո ստանում եք վկայական: Կազմակերպությունը պատրաստակամ է նաև նվազագույնը 6 ամիս արդյունավետ աշխատանք ցուցաբերելու դեպքում Ձեզ տրամադրել երաշխավորագիր՝ ապագա գործատուին, գործընկերներին, ուսումնական հաստատությանը և այլն։
Անդամագրության ընթացակարգը
Դիմորդների ընտրությունն իրակացնավում է երկու փուլով՝ փորձնական աշխատանք և հարցազրույց:
Դիմումն ուղարկելուց հետո դիմորդը ստանում է առաջադրանք, որը պետք է երեք օրվա ընթացքում ավարտուն տեսքի բերված ներկայացնի: Փորձաշրջանի առաջին փուլը հաղթահարած դիմորդները հրավիրվում են հարցազրույցի։
Երկու փուլերը հաջողությամբ հաղթահարած դիմորդները կմիանան կազմակերության Հանրային կապերի և մարկետինգի բաժնին: Աշխատանքն իրականացվում է բացառապես կամավորական հիմունքներով:
«Ինլայթ» հանրային հետազոտությունների կենտրոնի Հանրային կապերի և մարկետինգի բաժնին որպես լրագրող անդամակցելու համար անհրաժեշտ է լրացնել հետևյալ հայտադիմումը: Առավելագույնը մեկ շաբաթվա ընթացքում մենք Ձեզ հետ կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների spam բաժինը՝ հնարավոր բացթողումներից խուսափելու համար։