✨ Շնորհավոր Ամանոր և Սուրբ Ծնունդ ✨
Սիրելի՛ ընկերներ, հետևորդներ,
Ամանորի խորհուրդը միայն ժամանակի հերթափոխը չէ, այլև նոր հոգու, նոր հայացքի և նոր լսողության ձեռքբերման հնարավորություն։ Թող այս Նոր տարին դառնա մտքի և հոգու նորացման շրջան՝ օգնելով «օրըստօրե նորոգել մեր ներքին մարդուն»։ (Կորնթ․ 4։16)
Սերը, հույսը և լույսը թող ուղեկցեն ձեզ, իսկ ամեն տեսանելի դժվարություն դառնա նոր հնարավորության սկիզբ։ Ինչպես ամենամեծ հուսալքությունը կարող է վերածվել արգասավոր և ճշմարիտ հույսի, թող նույն ձևով բոլորիս ջանքերն ու հավատքը նվիրվեն արժեքների պահպանմանը և նորի ստեղծմանը։ [⋅Գ.Ճ.]
Թող Նոր տարին լցվի լուսավոր գաղափարներով, սիրով և համարձակությամբ՝ նվիրելով ձեզ ու ձեր շրջապատին նոր ներդաշնակություն, բարեկեցություն և առաջընթաց:
Սիրով՝ «Ինլայթ»-ի թիմ
«Ինլայթ»-ը հասարակական, ոչ առևտրային, ինքաֆինանսավորվող կազմակերպություն է։ Կազմակերպության գործունեության անկախությունը երաշխավորում են անհատներն իրենց նվիրատվություններով և կազմակերպության անդամները՝ անդամավճարներով։ Նույնիսկ փոքր նվիրատվությունը կօգնի մեզ ավելի արդյունավետ իրականացնել մեր նպատակները։