Նոր գործընկերություն «Ինլայթ»-ի և Հայաստանի եվրոպական համալսարանի միջև
Ուրախությամբ հայտնում ենք, որ «Ինլայթ» հանրային հետազոտությունների կենտրոնը նոր գործընկերություն է ձևավորել Հայաստանի եվրոպական համալսարանի (ՀԵՀ) հետ։
Հուշագրի ստորագրման նախաձեռնողներն են ՀԵՀ-ի Կարիերայի զարգացման և շարժունության բաժինը, ինչպես նաև Լեզվաբանության, հաղորդակցության և մանկավարժության ֆակուլտետը։
Համագործակցությամբ նախատեսվում է խորացնել փոխգործակցությունը մի շարք կարևոր ուղղություններով․
- կրթական և պրակտիկ ծրագրերի իրականացում
- մասնագիտական սեմինարների, դասընթացների և աշխատարանների կազմակերպում
- ուսանողական պրակտիկայի իրականացում «Ինլայթ»-ում
- ուսանողների ներգրավում կամավորական և համայնքային ծրագրերում
Այս համագործակցությունը միտված է խթանել համատեղ հետազոտական նախաձեռնությունների զարգացումը, բացել ուսանողների մասնագիտական աճի նոր հնարավորություններ և ամրապնդել կապը կրթական ոլորտի և հանրային հետազոտությունների միջև։