1988-ի քաղաքական պաստառների հեղինակների՝ նկարիչներ Գրիգոր Խաչատրյանի, Արտակ Բաղդասարյանի և Նորայր Այվազյանի (Սպարապետ) հետ զրուցեց Ռիմա Գրիգորյանը

Ազգագրագետ Հարություն Մարությանը, ուսումնասիրելով Շարժման պաստառները, մոտ 20 բովանդակային խումբ է առանձնացրել: Դուք հիմնականում ի՞նչ բովանդակությամբ պաստառներ էիք նկարում: 

Արտակ Մեր արածները առաջին հերթին հակասովետական էին, այսինքն՝ նախ և առաջ Ղարաբաղին չէին վերաբերում: 

«Հաղթանակի մեխած ձեռքը», Գրիգոր Խաչատրյան [«Գարուն» ամսագրի շապիկին տպագրված նկար]

Նորայր Մենք սկսեցինք հակասովետական բովանդակության պաստառներով: Սկզբի շրջանում էնքան ռադիկալ էր մեր արածը, որ հարթակից ասում էին, որ իրենք կապ չունեն մեզ հետ: 

Գրիգոր Այն, ինչ մենք անում էինք, ցույցերի տեքստերից, կոչերից շատ ավելի առաջ ընկած էր, որովհետև իրենք դեռ փորձում էին Կրեմլի հետ խոսել դիվանագիտական հարթության մեջ:

Կպատմե՞ք ձեր պաստառներից մի քանիսի մասին:

Գրիգոր Հիշում եմ, որ էդ ժամանակ շատ ապուշ որոշում էր կայացվել, որի համար էլ Սպարապետը սարքել էր «Համաձայն որոշման՝ սա սև է, համաձայն որոշման՝ սա սպիտակ է» պլակատը: 

«Համաձայն որոշման՝ սա սև է, համաձայն որոշման՝ սա սպիտակ է», Նորայր Այվազյան (Սպարապետ)

Նորայր Հա, ինչ-որ աբսուրդ որոշում էին կայացրել. Մատենադարանում կախեցինք սև ու սպիտակ պաստառներ. սևի վրա գրված էր «Համաձայն որոշման՝ սա սպիտակ է», սպիտակի վրա՝ «Համաձայն որոշման՝ սա սև է»: Մեծ միտինգի ժամանակ էդ հսկա պաստառը շատ լավ աշխատեց:

Գրիգոր Իսկական սապոգի վրա Կրեմլի էլեմենտ էի ավելացրել, որի մեջ ժողովուրդը չգիտես ինչու սկսեց կոպեկներ լցնել: Հետո դա վերածվեց գրաֆիկայի …

«Направовое Гос ударство», Նորայր Այվազյան (Սպարապետ)

Հարցազրույցն ամբողջությամբ

Աղբյուրը՝ hambardzum.am կայքի արխիվ

LEAVE A REPLY

Please enter your comment!
Please enter your name here