«Ինլայթ» հանրային հետազոտությունների կենտրոնը հաղորդակցության և մարքեթինգի մասնագետներին հրավիրում է միանալու թիմին՝ որպես հաղորդակցության և մարքեթինգի պատասխանատու։ Այս դերում միանալով թիմին՝ Դուք կդառնաք կազմակերպության գործունեության կարևոր դերակատարաներից մեկը՝ նպաստելով կազմակերպության ռազմավարական զարգացմանն ու առաջխաղացմանը:
Աշխատանքը կատարվում է բացառապես կամավորական հիմունքներով:
Գործառույթները
-
-
Հաղորդակցության ռազմավարության մշակում և իրականացում
- Մշակել և իրականացնել կազմակերպության արտաքին և ներքին հաղորդակցության ռազմավարությունը՝ համահունչ կազմակերպության առաքելությանն ու նպատակներին:
- Ապահովել հաղորդակցման արդյունավետությունն ու լսարանի ներգրավումը տարբեր հարթակներում՝ կայք, սոցիալական մեդիա, նորություններ և տեղեկագրեր:
-
Մարքեթինգային արշավների պլանավորում և իրականացում
- Պլանավորել և իրականացնել մարքեթինգային արշավներ, որոնք կնպաստեն կազմակերպության տեսանելիության բարձրացմանը, ծրագրերի և միջոցառումների հաջողությանը:
- Մշակել գովազդային բովանդակությունը և տարածման ռազմավարությունը համապատասխան հարթակներում՝ օգտագործելով թվային, սոցիալական մեդիայի, էլեկտրոնային փոստի և այլ հաղորդակցման միջոցներ:
-
Լսարանի ուսումնասիրություն և վերլուծություն
- Մշտադիտարկել լսարանի ներգրավվածությունը՝ օգտագործելով վերլուծական գործիքներ՝ հասկանալուհաղորդակցման եղանակներիարդյունավետությունը:
- Հետազոտել կազմակերպության թիրախային լսարանի նախասիրությունները և օգտագործել այդ տվյալները հաղորդակցման և մարքեթինգային ռազմավարությունները բարելավելու համար:
-
Համագործակցություն կազմակերպության մյուս բաժինների հետ
- Համագործակցել բովանդակության, վերլուծական և թարգմանչական բաժինների հետ՝ ստեղծելու ազդեցիկ և համապատասխան բովանդակություն տարբեր հարթակներում:
- Սերտորեն համագործակցել նաև այլ բաժինների հետ՝ ապահովելու մարքեթինգի և հաղորդակցության գործունեության համահունչությունը կազմակերպության ընդհանուր նպատակների և ծրագրերի հետ:
-
Միջոցառումների կազմակերպում և հանրային կապերի ապահովում
- Կազմակերպել հանրային միջոցառումներ, սեմինարներ, ինչպես նաև հետևել իրականացնվող միջոցառումներին՝ դրանց մասնակցելու նպատակով։
- Կապերի հաստատել գործընկերների, լրատվամիջոցների և հանրային այլ ներկայացուցիչների հետ՝ կազմակերպության գործունեությունը լայնորեն ներկայացնելու և հանրայնացնելու համար:
-
Կայքի և սոցիալական մեդիայի կառավարում
- Կառավարել կազմակերպության կայքը և սոցիալական մեդիայի հաշիվները՝ ապահովելով բովանդակության ժամանակին թարմացումները և լսարանի ներգրավվածությունը:
- Օգտագործել սոցիալական մեդիայի կարևոր գործիքներ՝ բովանդակության տարածման և տեսանելիության համար:
-
7. Վերլուծությունների և հաշվետվությունների ներկայացում
-
-
- Պարբերաբար հաշվետվություններ ներկայացնել ծրագրերի արդյունքների մասին՝ տվյալների վրա հիմնված որոշումներ կայացնելու նպատակով:
-
Անհրաժեշտ որակավորումներ և աշխատանքային փորձ
Կրթություն և փորձառություն
- Բակալավրի աստիճան հաղորդակցության, մարքեթինգի, հանրային կապերի կամ հարակից ոլորտներում:
- Առնվազն 1-2 տարվա աշխատանքային փորձ հաղորդակցության, մարքեթինգի, հանրային կապերի ոլորտներում:
- Սոցիալական մեդիայի և թվային հաղորդակցության ոլորտներում փորձառություն/հմտություն:
Լեզվական և բովանդակության մշակման հմտություններ
- Հայերենի գերազանց իմացություն, անգլերենի և ռուսերենի լավ իմացություն (գրավոր և բանավոր)։
- WordPress, G-Suits հավելավածներ կամ այլ բովանդակության կառավարման համակարգերին տիրապետում:
- Սոցիալական մեդիայի հարթակների (Facebook, Instagram, Twitter, LinkedIn, Telegram) կառավարում և կոնտենտի ստեղծման փորձառություն/հմտություն:
- SEO և վեբ վերլուծության համապատասխան գործիքների (Google Analytics, Analytics, Google Search Console և այլք) տիրապետում՝ տվյալների վերլուծման և մարքեթինգային գործունեության գնահատման նպատակով։
Ստեղծագործական և ռազմավարական մտածողություն
- Սոցիալական մեդիայի կառավարման հմտություններ և թվային գործիքների օգտագործման, տվյալների հավաքագրման և մշակման փորձ/հմտություններ:
- Նորարար և ստեղծագործ գաղափարներ առաջարկելու հանձնառություն՝ մարքեթինգային արշավների և հաղորդակցական նախագծերի իրականացման համար։
- Ռազմավարական մտածողություն՝ թիրախային լսարանների ներգրավվման աճին հասնելու համար:
- Կարողություն ստեղծելու գրագետ, ազդեցիկ և հստակ հաղորդագրություններ։
Ժամանակի կառավարման և կազմակերպչական հմտություններ
- Բազմաթիվ նախագծերի միաժամանակյա իրականացում՝ պահելով բարձր որակի չափանիշները և վերջնաժամկետները:
- Լավ կազմակերպչական և պլանավորման ունակություններ, որոնք անհրաժեշտ են տարբեր թիմերի հետ համագործակցելու համար:
- Ծրագրերի կառավարման գործիքների տիրապետում (Jira/ Miro/ Trello/ Asana) թիմային աշխատանքի և առաջադրանքների կառավարման համար:
Անհատական և թիմային աշխատանքի հմտություններ և որակներ
- Թիմային աշխատանքներում ներգրավված լինելու և պատասխանատվությունը կրելու պատրաստակամություն։
- Հաղորդակցվելու և տարբեր բաժինների հետ արդյունավետ համագործակցելու ունակություն։
- Նախաձեռնողականություն, համարձակություն, ինքնուրույնություն:
Ձեր ակնկալիքները կազմակերպությունից
Ճկունություն: Աշխատանքը կազմակերպվում է հեռահար եղանակով, չի ենթադրում գրասենյակային աշխատանքային գրաֆիկ: Դուք կարող եք Ձեր աշխատաժամանակը բաշխել` հարմարեցնելով առօրյա գրաֆիկին:
Անհատական և մասնագիտական աճ։ Որպես մեր կազմակերպության անդամ՝ Դուք կդառնաք «Ինլայթ»-ի գործուն թիմի անդամ, ձեռք կբերեք նոր ընկերներ և ծանոթություններ, ինչպես նաև մասնագիտական փորձ և պրակտիկ գիտելիքներ հաղորդակցության և մարքեթինգի ոլորտներում։
Կամավորության վկայական։ Դառնալով մեր թիմի անդամ՝ Դուք կազմակերպության հետ կնքում եք կամավորական աշխատանքի պայմանագիր նվազագույնը 1 տարի ժամկետով: Ժամկետի լրանալուց հետո ստանում եք վկայական: Կազմակերպությունը պատրաստակամ է նաև նվազագույնը 3 ամիս արդյունավետ աշխատանք ցուցաբերելու դեպքում Ձեզ տրամադրելու երաշխավորագիր՝ ապագա գործատուին, գործընկերներին, ուսումնական հաստատություն և այլ վայրեր ներկայացնելու համար։
Դիմելու ընթացակարգը
«Ինլայթ» հանրային հետազոտությունների կենտրոնի Աշխատակազմին որպես հաղորդակցության և մարքեթինգի պատասխանատու անդամակցելու համար անհրաժեշտ է լրացնել հետևյալ հայտադիմումը: Առավելագույնը մեկ շաբաթվա ընթացքում մենք Ձեզ հետ կապ կհաստատենք նշված էլեկտրոնային հասցեի միջոցով: Խնդրում ենք ստուգել նաև հաղորդագրությունների spam բաժինը՝ հնարավոր բացթողումներից խուսափելու համար։
Մեր այլ հայտադիմումները.